O Centro Castro Navás, situado na parroquia de Priegue no Concello de Nigrán, acolle a persoas maiores de 16 anos con Trastorno do Espectro do Autismo en réxime de Media Pensión e distintos tipos de estancias de residencia, con e sen fin de semana.

O Centro presta aos seus usuarios servizos de terapia ocupacional e axuste persoal e social. Tamén desenvolve actividades de ocio dirixidas a reforzar as habilidades de inclusión social e desenvolvemento autónomo do participantes.

Está financiado pola Xunta de Galicia, mediante un Contrato de Xestión de Servizo Público asinado coa Fundación Menela, e polas aportacións das familias dos seus usuarios/as.