Neste centro, situado a poucos metros da Praza de España de Vigo, está ubicada a Sede Social e a Dirección Xeral da Fundación Menela. Nas súas oficinas está centralizada a xestión da entidade e o apoio administrativo da rede de Centros e Servizos, desenvolvendo as tarefas operativas que permiten o goberno da entidade.

Este servizo ten a misión de apoiar e coordinar a cobertura de necesidades de financiamento da Fundación Menela, o control de xestión, política de persoal, relacións institucionais, así como a busca de recursos que posibiliten o desenvolvemento dos programas establecidos nos Plans de Actuación que aproba o seu Padroado.