Fundación Bancaria “la Caixa” apoia á Fundación Menela no desenvolvemento do proxecto “Prevención do envellecemento prematuro en persoas adultas con TEA”
Fundación Bancaria “la Caixa” fixo pública a Convocatoria de Promoción da autonomía persoal e atención ao envellecemento, á discapacidade e á enfermidade 2020, de concesión de axudas para a realización de proxectos dirixidos a promocionar a vida independente, a autonomía persoal e o benestar das persoas maiores, persoas con discapacidades, con trastorno mental ou enfermidades, así como a atención ás necesidades da súa contorna familiar.
Neste marco o proxecto presentado pola Fundación Menela baixo o título “Prevención do envellecemento prematuro en persoas adultas con TEA” foi seleccionado e aceptado polos órganos de goberno da Fundación Bancaria “la Caixa”.
Un ano máis gracias a esta Entidade pola súa colaboración e apoio para levar a cabo os fins sociais da Fundación Menela.
Fundación Menela | 10 de xuño de 2020
