O Centro de Educación Especial Menela participa nas VII Xornadas de formación dos xefes dos Departamentos de Orientación. Asesoramento para un proxecto inclusivo de Centro, organizadas pola Consellería de Cultura e Educación
O Centro de Educación Especial Menela participou nas VII Xornadas de formación dos xefes e xefas dos Departamentos de Orientación. Asesoramento para un proxecto inclusivo de Centro, celebradas no Edificio Administrativo Campolongo en Pontevedra.
No marco destas xornadas, organizadas para profundar nos retos de futuro dunha educación inclusiva, Fundación Menela contou cun espazo expositivo para dar a coñecer as medidas e actuacións que en materia de atención a diversidade desenvólvense desde o colexio de educación especial Menela, e proporcionar información sobre o programas que se levan a cabo na Rede Menela.
Ao longo do día compartimos a labor que desenvolvemos diferentes entidades que traballamos con persoas con diversidade funcional, e recibimos no stand a visita do conselleiro de Cultura, Educación e Ordenación Universitaria, Román Rodríguez, o director xeral de Educación, Formación Profesional e Innovación Educativa, Manuel Corredoida e o subdirector xeral de Ordenación e Innovación Educativa e Formación do Profesorado, Manuel Vila.
Organizadas pola Consellería de Cultura e Educación, a través da súa Rede de Formación, as xornadas estiveron dirixidas ás direccións e xefaturas dos Departamentos de Orientación dos centros educativos.
Fundación Menela | 3 de maio de 2017
