CONSTRUAMOS UN FUTURO SEN PLÁSTICO
Outro curso máis dedicamos un espazo e tempo no noso colexio á participación no proxecto Voz Natura da Fundación Santiago Rey Fernández-Latorre e a Voz de Galicia.
Nesta 23ª edición o lema foi “Construamos un futuro sen plástico”. Con este principio traballamos alumnos e equipo educativo, coordinados polas profesoras Susana Rodríguez Blanco, Vanesa Castro Filgueira e Lourdes Martín Lorenzo, tratando de inculcar o valor de respecto e coidado ao Medio que nos rodea, ao noso ecosistema, ao noso mar e aos nosos montes, expondo actividades que transmitisen eses valores, tratando de ser máis sostibles e respectuosos co Medio Ambiente.
Esta memoria que vos presentamos é un resumo de todo o traballo feito e foi elaborada polas coordinadoras co apoio da nosa compañeira Mariña Santiago.
Un afectuoso saúdo de todo o Equipo e esperamos vernos o 10 de setembro!
Fundación Menela | 10 de xullo de 2020